Bugungi kunda ichki ishlar organlari faoliyatiga raqamli texnologiyalar keng joriy qilinmoqda.

IIV akademiyasida ayni yo‘nalishda amalga oshirilayotgan chora-tadbirlarga bag‘ishlangan tadbir o‘tkazildi. Unda vazirlik Tashkiliy departamenti vakillari, kunduzgi ta’limning 2-o‘quv kursi kursantlari va professor-o‘qituvchilar ishtirok etdi.

Amaliy mashg‘ulot tarzida o‘tgan tadbirda “102” va “E-material” tizimlarining ishlash tartibi va afzalliklari, “Call-markaz”lar faoliyati, raqamli texnologiyalarning tizim samaradorligini oshirishdagi ahamiyati, kelgusida mazkur yo‘nalishda amalga oshirilishi rejalashtirilgan chora-tadbirlar haqida batafsil ma’lumot berildi.

Tadbir davomida kursantlar yangi tizimlar imkoniyati bilan tanishib, o‘zlarini qiziqtirgan savollarga javob oldi.

IIV akademiyasi Axborot xizmati