O'z Ўз Ру En
×

Jinoyat-protsessual huquq kafedrasi

Ushbu kafedra 1974 yilda jinoyat huquqi va protsessi kafedrasi sifatida tashkil etilgan. 1993 yilda kafedra negizida jinoyat-protsessual huquq kafedrasi faoliyat yurita boshladi.

Turli yillarda jamoaga yuridik fanlar nomzodlari A.Mixaylyans, M.Xomenker, V.Bikov, yuridik fanlar doktori, professor A.Yakubov, yuridik fanlar nomzodi, dotsent A.Ilxamov, B.Toshxo‘jayev, yuridik fanlar doktori, professor E.Narbutayev, yuridik fanlar nomzodi, dotsent A.Rahmonqulov, yuridik fanlar doktori, dotsent D.Mirazov hamda yuridik fanlar nomzodi, dotsent I.Sottiyev rahbarlik qilishgan.

Ichki ishlar organlari uchun malakali kadrlar tayyorlashda ushbu kafedraning munosib o‘rni bor. Bugungi davr talablaridan kelib chiqib, kafedra o‘z oldiga qator muhim vazifalarni qo‘ygan. Chunonchi, ichki ishlar organlari uchun istiqbolli kadrlar tayyorlash, ta’lim jarayonini zamonaviy ilg‘or texnologiyalar asosida yo‘lga qo‘yish, kadrlarning ilmiy salohiyatini oshirish, ichki ishlar organlari faoliyati hamda jinoyat-protsessual huquq sohasida mavjud bo‘lgan muammolarga oid fundamental ilmiy tadqiqotlar olib borish, bu borada xorij tajribasini o‘rganish va xalqaro hamkorlikni rivojlantirish vazifalari shular jumlasidandir.

Kafedrada kursantlar «Jinoyat-protsessual huquq» fani, «Tergovga qadar tekshiruv» va «Yo‘l- transport hodisalarida surishtiruvni tashkil etish» o‘quv kurslari bo‘yicha saboq olishadi. Kafedrada katta amaliy tajribaga ega professor- o‘qituvchilar, fan nomzodlari va doktorlari faoliyat yuritishmoqda.

Belgilangan matnni tinglash uchun quyidagi tugmani bosing Powered by GSpeech