O'z Ўз Ру En
×

Kriminalistik ekspertizalar kafedrasi

1996 yilda Akademiyada ekspert-kriminalistika fakulteti va uning tarkibida kriminalistik texnika, kriminalistik taktika va metodika, kallistika, trasologiya, hujjatlarni texnik-kriminalistik tadqiq etish kafedralari tashkil etildi. Oradan ikki yil o‘tib, mazkur fakultet va uning tarkibiy tuzilmalari o‘rnida kriminalistika hamda kriminalistik ekspertizalar kafedralari faoliyati yo‘lga qo‘yildi. 2004 yilda mazkur ikki tarkibiy tuzilma kriminalistika kafedrasiga birlashtirildi. 2015 yildan kafedra kriminalistik ekspertizalar kafedrasi deb nomlanadi.

 

Kafedrada kunduzgi va sirtqi ta’lim uchun quyidagi fanlar o‘qitiladi:

«Kriminalistik texnika»
«Ballistik ekspertiza»
«Daktiloskopik ekspertiza»
«Trasologik ekspertiza»
«Xatshunoslik ekspertizasi»
«Hujjatlarning texnik-kriminalistik ekspertizasi»
«Ekspert-kriminalistika faoliyati»
«Tergov harakatlari va tezkor-qidiruv tadbirlarning texnik-kriminalistik ta’minoti»
 

 

Turli yillarda kafedraga T.Aydarov, G.Karpushev, A.Shchegolev, B.Segal, A.Xudyakov hamda Sh.Hasanov, R.Shakurovlar rahbarlik qilishgan.

 

Bugungi kunda kafedra ichki ishlar organlari, Hadicha Sulay­monova nomidagi Respublika sud ekspertiza markazi hamda Tosh­kent davlat yuridik universiteti bilan samarali hamkorlikni yo‘l­ga qo‘ygan. So‘nggi yillarda bir qator o‘quv adabiyotlari, jumladan, «Daktiloskopik ekspertiza», «Trasologik ekspertiza», «Ballistik ekspertiza» darsliklari, «Daktiloskopik ekspertiza», «Poyafzal va oyoq izlarining trasologik ekspertizasi», «Trasologik eksperti­za xulosalarining namunaviy to‘plami», «Daktiloskopik ekspertiza xulosalarining namunaviy to‘plami», «Ballistik ekspertiza xulo­salarining namunaviy to‘plami», «Hodisa joyini ko‘zdan kechirish», «Kriminalistik ekspertizalarni o‘tkazishdagi xatolar», «Noshtat patronlarning kriminalistik tadqiqotlari», «Sud ekspertizasi bo‘yicha tavsiyalar», «Ichki ishlar organlari ekspert-kriminalistika xizmati faoliyatini tashkil etish», «Tergov harakatlari va tezkor-qidiruv tadbirlarining texnik-kriminalistik ta’minoti» singari o‘quv qo‘llanmalari chop etildi.

Belgilangan matnni tinglash uchun quyidagi tugmani bosing Powered by GSpeech