Ushbu kafedra ichki ishlar organlarining ekspert-kriminalistika faoliyati uchun professional kadrlar tayyorlashga ixtisoslashgan.

      Kafedra professor-o‘qituvchilari tomonidan quyidagi fanlar o‘qitiladi:

      kunduzgi ta’lim bakalavriatida:

Kriminalistika (kriminalistikaga kirish, kriminalistik texnika);

Ekspert-kriminalistika faoliyat;

Tergov harakatlari va tezkor qidiruv tadbirlarining
texnik-kriminalistik ta’minoti;

Daktiloskopik ekspertiza;

Trasologik ekspertiza;

Ballistik ekspertiza;

Xatshunoslik ekspertizasi;

Hujjatlarning texnik-kriminalistik ekspertizasi;

Portret ekspertizasi;

Sovuq qurollarning kriminalistik tadqiqotlari.

      Kafedra qoshida amaliy mashg‘ulotlar o‘tkazish uchun o‘quv-uslubiy xona, o‘quv tezkor-tergov guruhi, Kriminalistik o‘quv-amaliy laboratoriya, “Yosh ekspert-kriminalist” iqtidorli kursantlarning ilmiy to‘garagi tashkil etilgan.

      Ta’lim jarayonida nazariya va amaliyot uyg‘unligini ta’minlash maqsadida kafedra Ichki ishlar vazirligining tegishli sohaviy xizmatlari, hududiy ichki ishlar organlari, Hadicha Sulaymonova nomidagi Respublika sud ekspertizasi markazi va yuridik ta’limga ixtisoslashgan oliy ta’lim muassasalari bilan samarali hamkorlik qilib kelmoqda.