Ichki ishlar vazirligi akademiyasi huzuridagi Jamoatchilik kengashi doimiy faoliyat yurituvchi maslahat organi hisoblanadi.

         Kengashning maqsadi o‘quv jarayonining sifatini, ilmiy-tadqiqot ishlarining samaradorligini oshirish, jamoadagi ma’naviy-ruhiy muhitni mustahkamlash, kursant va tinglovchilarni yuksak ma’naviyatli, vatanparvar kadrlar etib tarbiyalash jarayonlari ustidan jamoatchilik nazoratini amalga oshirishdan iborat.

         Kengashning vazifalari:

         ta’lim sifati, professor-o‘qituvchilarning bilimi va pedagogik mahorati, kursantlarga yaratilgan shart-sharoitlarni monitoring qilib borish;

         professor-o‘qituvchilik lavozimlariga ishga qabul qilinayotgan nomzodlar yuzasidan tavsiyalar berish;

         o‘qishga qabul bo‘yicha o‘tkaziladigan sinov va imtihonlar, oraliq va yakuniy nazoratlar, yakuniy davlat attestatsiyalarini monitoring qilib borish;

         korrupsiyaning oldini olishga qaratilgan profilaktik ishlarda amaliy yordam ko‘rsatish;

         intizomiy kengashlar faoliyati ustidan jamoatchilik nazoratini amalga oshirish;

         kursant va tinglovchilarlarning murojaatlarini ko‘rib chiqish, zaruratga ko‘ra ijtimoiy fikrni o‘rganish maqsadida so‘rovlar o‘tkazish;

         shaxsiy tarkibni ijtimoiy himoyalash bo‘yicha jamoatchilik nazoratini amalga oshirish;

         Akademiya faoliyatini yanada rivojlantirish, ma’naviy-axloqiy muhitni mustahkamlash, shuningdek turli noqonuniy harakatlarning oldini olish hamda aniqlangan muammolarni bartaraf etish yuzasidan Akademiya rahbariyatiga taklif va tavsiyalar kiritish.

         Kengash har olti oyda hisobot yig‘ilishini o‘tkazadi.