O'z Ўз Ру En
×

Jangovar va jismoniy tayyorgarlik kafedrasi

Jangovar va jismoniy tayyorgarlik kafedrasi dastlab harbiy, jangovar va jismoniy tayyorgarlik sikli sifatida faoliyat yuritgan. 1978 yilda sikl ikkita mustaqil kafedraga, ya’ni harbiy safarbarlik va maxsus taktik tayyorgarlik kafedrasi hamda jangovar va jismoniy tayyorgarlik kafedrasiga ajratilgan. O‘sha yili jamoaga yengil atletika bo‘yicha sport ustasi I.Chuvilin boshliq etib tayinlangan.

Turli yillarda kafedrani boks bo‘yicha xizmat ko‘rsatgan murabbiy B.Granatkin, M.O‘tayev, O‘zbekistonda xizmat ko‘rsatgan murabbiy F.Po‘latov, A.Kochkarov, xalqaro toifadagi sport ustasi A.Qurbonov boshqardilar.

Mustaqillikka erishganimizdan so‘ng kafedrada sportni yanada ommalashtirish, iqtidorli yoshlarni qo‘llab-quvvatlash, ular uchun munosib sharoitlar yaratish borasida keng ko‘lamli ishlar amalga oshirildi. Sportning sambo, dzyudo, karate, taekvando, boks, og‘ir atletika, erkin va yunon-rum kurashi kabi turlaridan respublika, Osiyo va Jahon miqyosidagi musobaqalarda birin-ketin sovrinli o‘rinlar qo‘lga kiritildi. O‘tgan yillar mobaynida Akademiya xodimlari va kursantlari Osiyo hamda Jahon chempionatlarida 500 ga yaqin medal sohibi bo‘lishdi, shuning 100 dan ortig‘i oltin medallardir. Xalqaro va respublika toifasidagi sport ustalari Akobir Qurbonov, Botir Usmonov, Faxriddin Po‘latov, Latif Latipov, Marina Qodirova O‘zbekiston Respublikasida «Yilning eng yaxshi murabbiysi», «Yilning eng yaxshi sportchisi» degan nomlarga sazovor bo‘lishdi. Hozirgi kunda jangovar va jismoniy tayyorgarlik kafedrasida sambo, jangovar sambo va dyuzdo, qo‘l jangi va erkin kurash, xizmat ko‘pkurashi va yengil atletika, futbol, voleybol sport seksiyalari muntazam ishlab kelmoqda. Mashg‘ulotlar Akademiyaning malakali o‘qituvchi-murabbiylari, tajribali sport ustalari tomonidan olib boriladi.

Belgilangan matnni tinglash uchun quyidagi tugmani bosing Powered by GSpeech