Chet tillari markaz faoliyati 2017-yilda yo‘lga qo‘yilgan.

      Markazning asosiy maqsadi ta’lim muassasasi professor-o‘qituvchilari, tadqiqotchilari va tinglovchi-kursantlariga chet tillarni chuqurroq  o‘rgatishni tashkil etish hisoblanadi.

      Markazning faoliyat yo‘nalishlari quyidagilar:

professor o‘qituvchilar tarkibi, tadqiqotchilar va tinglovchi kursantlar tomonidan chet tillarni o‘rganishi uchun shartnoma asosida mazkur sohadagi yuqori malakali mutaxassislarni jalb etgan holda qo‘shimcha o‘quv kurslarini tashkil etish;

professor o‘qituvchilar tarkibi, tadqiqotchilar va kursantlarni xorijiy ilmiy ma’rifiy tadbirlar va seminar treninglarda ishtirok etishga, tajriba almashishga, xorijiy ta’lim muassasalarida malaka oshirish va stajirovka o‘tashga tayyorlash;

ta’lim jarayonida chet tillarni qo‘llash asoslari bo‘yicha dasturiy o‘qitishni tashkil etish orqali o‘qituvchilarning pedagogik salohiyatini oshirishda ko‘maklashish;

chet tillarni o‘rgatish kurslariga zamonaviy pedagogik va axborot-kommunikatsiya texnologiyalari, innovatsiyaviy metodikalar, o‘qitishning ilg‘or uslublari, interaktiv vositalari va mediata’lim mahsulotlarni joriy etish;

professor-o‘qituvchilar, tadqiqotchilar va tinglovchi-kursantlarning chet tillarni bilish darajasidan kelib chiqib, mazkur sohadagi yuqori malakali mutaxassislarni jalb etgan holda o‘quv kurslarining o‘quv rejalari va dasturlari, darsliklar, o‘quv qo‘llanmalari va o‘quv-metodik majmualarni ishlab chiqish va takomillashtirib borish;

O‘zbekiston Respublikasi ichki ishlar organlari xodimlarini chet tillarni bilganlik uchun moddiy rag‘batlantirish maqsadida ichki ishlar organlari xodimlarining chet tillarni bilish darajasini aniqlash bo‘yicha imtihonlarni tashkil etish va o‘tkazish.