Чет тиллари марказ фаолияти 2017-йилда йўлга қўйилган.

      Марказнинг асосий мақсади таълим муассасаси профессор-ўқитувчилари, тадқиқотчилари ва тингловчи-курсантларига чет тилларни чуқурроқ ўргатишни ташкил этиш ҳисобланади.

      Марказнинг фаолият йўналишлари қуйидагилар:

профессор-ўқитувчилар таркиби, тадқиқотчилар ва тингловчи курсантлар томонидан чет тилларни ўрганиши учун юқори малакали мутахассисларни жалб этган ҳолда қўшимча ўқув курсларини ташкил этиш;

профессор ўқитувчилар таркиби, тадқиқотчилар ва курсантларни хорижий илмий маърифий тадбирлар ва семинар-тренингларда иштирок этиш, тажриба алмашиш, хорижий таълим муассасаларида малака ошириш ва стажировка ўташга тайёрлаш;

таълим жараёнида чет тилларни қўллаш асослари бўйича дастурий ўқитишни ташкил этиш орқали ўқитувчиларнинг педагогик салоҳиятини оширишда кўмаклашиш;

чет тилларни ўргатиш курсларига замонавий педагогик ва ахборот-коммуникация технологиялари, инновацион методикалар, ўқитишнинг илғор услублари, интерактив воситалар ва медиатаълим маҳсулотларини жорий этиш;

профессор-ўқитувчилар, тадқиқотчилар ва тингловчи-курсантларнинг чет тилларни билиш даражасидан келиб чиқиб, мазкур соҳадаги юқори малакали мутахассисларни жалб этган ҳолда ўқув курсларининг ўқув режалари ва дастурлари, дарсликлар, ўқув қўлланмалари ва ўқув-методик мажмуаларни ишлаб чиқиш ва такомиллаштириб бориш;

Ўзбекистон Республикаси ички ишлар органлари ходимларини чет тилларни билганлик учун моддий рағбатлантириш мақсадида ички ишлар органлари ходимларининг чет тилларни билиш даражасини аниқлаш бўйича имтиҳонларни ташкил этиш ва ўтказиш.