Ўз Ру En
×

Ҳарбий тайёргарлик кафедраси

Мазкур кафедра 1978 йилда ҳарбий сафарбарлик ва махсус тактик тайёргарлик кафедраси сифатида ташкил этилган. Унга полковник Г.Васильев бошлиқ этиб тайинланган. 1994 йилда таълим муассасаси Академия мақомини олгач, унинг номи ҳарбий хизмат ва махсус тактик тайёргарлик кафедраси деб ўзгартирилди. Бу даврда кафедра учун янги бино қурилиб фойдаланишга топширилди. 2017 йилдан бўлинма ҳарбий тайёргарлик кафедраси сифатида фаолият юритмоқда.

Кафедра бошлиғи этиб турли йилларда полков­ник В.Юсупов, генерал-майор Ҳ.Хаджиматов, полков­ник С.Тангирбердиев, майор Д.Алоутдинов фаолият юритганлар.

Кафедрада «Ҳарбий-хизмат тайёргарлиги», «Ҳарбий хизмат ва махсус тактик тайёргарлик», «Жанговар тайёргарлик» фанларидан сабоқ бери­лади. Курсантларга пухта билим бериш мақсадида махсус тактика, ҳарбий топография, фуқаро муҳо­фазаси, ўқ отиш назарияси ва қуролларнинг мод­дий қисмлари хоналари ҳамда электрон тир ташкил этилган. Кейинги йилларда хоналар зарур восита ва жиҳозлар билан таъминланиб, ўқ отиш галереяси тўлиқ янгиланди. Кафедранинг фонд маърузалари ва методик комплекслари ҳам йилдан-йилга янги­ланмоқда. Таълимнинг интерфаол усулига таянган ҳолда «Нишон» электрон тир дастуридан кенг фой­даланиб келинмоқда.

Кафедрада ўқитиладиган фанлар бўйича ил­мий тўгарак ҳамда жанговар қуроллардан ўқ отиш секцияси фаолият кўрсатмоқда. Шунингдек, кафедра профессор-ўқитувчилари томонидан «Фуқаро муҳофазаси», «Ўқ отиш тайёргарлиги» дарсликлари, «Умумий тактика», «Махсус тактика», «Фуқаро муҳо­фазаси», «Саф тайёргарлиги», «Ҳарбий тайёргарлик», «Ҳарбий топография», «Ҳарбий хизмат ва махсус так­тик тайёргарлик» ва бошқа қўлланмалар тайёрланди.

Белгиланган матнни тинглаш учун қуйидаги тугмани босинг Powered by GSpeech