Ўз Ру En
×

Таҳририят-ноширлик бўлими

Бўлим тарихи 1967 йилдан бошла­нади. Ўша вақтда Олий мактаб таркибида илмий-ноширлик гуруҳи тузил­ган. 1974 йили у Илмий-тадқиқот ва таҳри­рият-ноширлик бўлимига айтантирилган. Олий мактаб бошлиғининг илмий ишлар бўй­ича ўринбосари айни пайтда бўлим бошлиғи ҳисобланган.

Худди шу йили Илмий тадқиқот ва таҳририят-ноширлик бўлими таркибида уч нафар ходимдан иборат таҳририят-но­ширлик гуруҳи ташкил этилган. 1974–1994 йиллар мобайнида унга юридик фанлар номзоди, катта илмий ходим М.Кержнер раҳбарлик қилган. 1983 йилда бўлим шта­тига мусаҳҳиҳ лавозими киритилган.

Таълим муассасаси Академия мақо­мини олганидан сўнг илмий-тадқиқот ва таҳририят-ноширлик бўлими мустақил бўлим мақомига эга бўлди, яъни унинг штатига бўлим бошлиғи лавозими ки­ритилди. Бу лавозимга юридик фанлар номзоди, доцент Б.Зокиров тайинланди. 1996 йилда илмий тадқиқот ва таҳрири­ят-ноширлик бўлимининг таҳририят-но­ширлик гуруҳи негизида янги тузилма – таҳририят-ноширлик бўлими ташкил этилди. Бўлимга дастлаб М.Кержнер, 1999-2005 йилларда эса В.Кан бошчилик қилди.

Бўлимнинг асосий вазифаси ўқув жа­раёнини мутахассисларни тайёрлаш ихти­сослигига мувофиқ ўқув ва илмий адабиёт­лар, ўқув-методик қўлланмалар билан таъ­минлаш ҳисобланади. Ўтган йиллар ичида жамоа муҳаррирларининг саъй-ҳаракати билан 3 мингга яқин номдаги адабиётлар таҳрир қилиниб, нашрга тайёрланди.

Шунингдек, бўлим қошида бир неча йиллардан буён «Ўзбекистон Республи­каси Ички ишлар вазирлиги Академия­сининг ахборотномаси» илмий журнали нашр этиб келинмоқда.

Кадрлар салоҳиятини юксалтириш, адабий таҳрир ва ноширлик сифатини давр талаблари даражасида ташкил этиш бўлимнинг асосий мақсадларидан сана­лади. Ана шу мақсадда Журналистика ва оммавий коммуникациялар университети билан амалий ҳамкорлик йўлга қўйилган.

Белгиланган матнни тинглаш учун қуйидаги тугмани босинг Powered by GSpeech