Академиянинг илмий-тадқиқот фаолияти қонунийлик ва ҳуқуқ-тартиботни мустаҳкамлаш, жиноятчиликка қарши кураш, жамоат тартиби ва хавфсизлигини таъминлаш, ҳуқуқбузарликлар профилактикаси соҳасидаги мавжуд муаммолар ечими бўйича илмий, фундаментал ва амалий тадқиқотлар ўтказишга қаратилган.  

      Ўқув даргоҳида 6 та ихтисослик бўйича таянч докторантура, докторантура ҳамда мустақил изланувчилик шаклларида олий малакали илмий ва илмий-педагогик кадрлар тайёрланади. Булар:

12.00.01 – “Давлат ва ҳуқуқ назарияси ва тарихи. Ҳуқуқий таълимотлар тарихи”;

12.00.02 – “Конституциявий ҳуқуқ. Маъмурий ҳуқуқ. Молия ва божхона ҳуқуқи”;

12.00.03 – “Фуқаролик ҳуқуқи. Тадбиркорлик ҳуқуқи. Оила ҳуқуқи. Халқаро хусусий ҳуқуқ”;

12.00.08 – “Жиноят ҳуқуқи. Криминология. Жиноят-ижроия ҳуқуқи”;

12.00.09 – “Жиноят процесси. Криминалистика. Тезкор-қидирув ҳуқуқи ва суд экспертизаси”;

12.00.14 – “Ҳуқуқбузарликлар профилактикаси. Жамоат хавфсизлигини таъминлаш. Пробация фаолияти”. 

      Академияда илмий-тадқиқот ишларини ривожлантиришнинг 2021‒2023-йилларга мўлжалланган истиқболли дастури ишлаб чиқилган. Унга кўра диссертация тадқиқотлари ва тингловчи-курсантларнинг битирув малакавий ишлар мавзуларини ички ишлар органларининг жиноятчиликка қарши курашиш, ҳуқуқбузарликлар профилактикаси, жамоат хавфсизлигини таъминлаш ва жиноий жазолар ижросини ташкил этиш фаолиятидаги энг долзарб масалаларга йўналтирилган. 

      Академия профессор-ўқитувчиларидан 97 нафари илмий салоҳиятга эга бўлиб, улардан 26 нафар фан доктори (DSc) ҳамда 71 нафари фан номзоди ва фалсафа доктори (PhD) илмий даражасига эга.