Ўз Ру En
×

Маъмурий ҳуқуқ кафедраси

1974 йилда ташкил этилган кафедрада дастлаб маъмурий ҳуқуқ, ахлоқ тузатиш меҳнати ҳуқуқи, молия ҳуқуқи, суд бухгалтерияси каби фанлардан сабоқ берилган. 2018 йилда маъмурий ҳуқуқ кафедраси қайта ташкил этилди.

Турли йилларда кафедрага юридик фанлар номзоди Ф.Колонтаевский, юридик фанлар номзодлари, доцентлар Ҳ.Алимов, М.Шотурсунов, Р.Абизов, А.Маҳмудов, юридик фанлар номзоди Ў.Мухамедов, юридик фанлар номзоди, доцент Н.Исмоилов, З.Бабакаланов, юридик фанлар номзоди, доцент И.Соттиев раҳбарлик қилишган.

Кафедра ички ишлар органлари учун зарур касбий билим, амалий кўникма ва етук малакага эга олий маълумотли мутахассисларни етиштириш, айниқса маъмурий ҳуқуқ соҳаси учун илмий-педагог кадрлар тайёрлаш, уларнинг малакасини ошириш ва қайта тайёрлаш, маъмурий ҳуқуқ соҳасидаги мавжуд муаммоларни фундаментал тадқиқ этиш ва амалиётга жорий қилиш учун фаолият юритмоқда.

Кафедрада «Маъмурий ҳуқуқ», «Ички ишлар органлари томонидан маъмурий жавобгарликни таъминлаш» ва «Йўл ҳаракати хавфсизлиги хизматининг маъмурий юрисдикциявий фаолияти» фанлари ўқитилади. Ўтган йиллар мобайнида долзарб мавзулар тадқиқ қилинган илмий ишлар муваффақиятли ҳимоя қилинди. Ўзбекистон Республикасининг Маъмурий жавобгарлик тўғрисидаги кодексини такомиллаштиришга қаратилган қатор таклиф ва тавсиялар ишлаб чиқилди. «Маъмурий ҳуқуқ» дарслиги, «Ўзбекистон Республикасида маъмурий жавобгарлик» маърузалар курси, «Маъмурий ҳуқуқбузарликлар тўғрисидаги ишларни юритиш бўйича процессуал ҳужжатлардан намуналар» ўқув-амалий қўлланмаси ва бошқа адабиётлар соҳа учун малакали кадрлар тайёрлашда муҳим асос бўлмоқда.

Белгиланган матнни тинглаш учун қуйидаги тугмани босинг Powered by GSpeech