O'z Ўз Ру En
×

Ma’muriy huquq kafedrasi

1974 yilda tashkil etilgan kafedrada dastlab ma’muriy huquq, axloq tuzatish mehnati huquqi, moliya huquqi, sud buxgalteriyasi kabi fanlardan saboq berilgan. 2018 yilda ma’muriy huquq kafedrasi qayta tashkil etildi.

Turli yillarda kafedraga yuridik fanlar nomzodi F.Kolontayevskiy, yuridik fanlar nomzodlari, dotsentlar H.Alimov, M.Shotursunov, R.Abizov, A.Mahmudov, yuridik fanlar nomzodi O‘.Muxamedov, yuridik fanlar nomzodi, dotsent N.Ismoilov, Z.Babakalanov, yuridik fanlar nomzodi, dotsent I.Sottiyev rahbarlik qilishgan.

Kafedra ichki ishlar organlari uchun zarur kasbiy bilim, amaliy ko‘nikma va yetuk malakaga ega oliy ma’lumotli mutaxassislarni yetishtirish, ayniqsa ma’muriy huquq sohasi uchun ilmiy-pedagog kadrlar tayyorlash, ularning malakasini oshirish va qayta tayyorlash, ma’muriy huquq sohasidagi mavjud muammolarni fundamental tadqiq etish va amaliyotga joriy qilish uchun faoliyat yuritmoqda.

Kafedrada «Ma’muriy huquq», «Ichki ishlar organlari tomonidan ma’muriy javobgarlikni ta’minlash» va «Yo‘l harakati xavfsizligi xizmatining ma’muriy yurisdiksiyaviy faoliyati» fanlari o‘qitiladi. O‘tgan yillar mobaynida dolzarb mavzular tadqiq qilingan ilmiy ishlar muvaffaqiyatli himoya qilindi. O‘zbekiston Respublikasining Ma’muriy javobgarlik to‘g‘risidagi kodeksini takomillashtirishga qaratilgan qator taklif va tavsiyalar ishlab chiqildi. «Ma’muriy huquq» darsligi, «O‘zbekiston Respublikasida ma’muriy javobgarlik» ma’ruzalar kursi, «Ma’muriy huquqbuzarliklar to‘g‘risidagi ishlarni yuritish bo‘yicha protsessual hujjatlardan namunalar» o‘quv-amaliy qo‘llanmasi va boshqa adabiyotlar soha uchun malakali kadrlar tayyorlashda muhim asos bo‘lmoqda.

Belgilangan matnni tinglash uchun quyidagi tugmani bosing Powered by GSpeech