Psixologik ta’minlash markazi 2009 yilda o‘z faoliyatini boshlagan.

      Markazning asosiy maqsadi – shaxsiy tarkibning psixologik tayyorgarlik darajasini oshirish hamda kasbiy-psixologik muhim xususiyatlarini yanada takomillashtirish, ta’lim muassasasiga kirish istagini bildirgan nomzodlarning kasbiy layoqatini, rahbarlik lavozimlariga tayinlanayotgan xodimlarning rahbarlik qobiliyatini hamda organlardagi ma’naviy-ruhiy muhit holatini aniqlashdan iborat.

      Markaz tomonidan quyidagi ishlar amalga oshiriladi:

shaxsiy tarkib a’zolarining shaxsiy, shaxslararo, guruhlararo munosabatlarini ijtimoiy-psixologik qonuniyatlar asosida o‘rganish va sog‘lom ma’naviy-ruhiy muhitni tatbiq etish;

tarkibiy tuzilmalarning rahbar xodimlariga qo‘l ostidagi xodimlar bilan ishlash va xizmat jarayonini boshqarishda psixologik maslahatlar berish;

kasbiy va maishiy stress (zo‘riqish), charchash va boshqa salbiy ruhiy holatlarni oldini olish va psixologik korreksiyani amalga oshirish;

ekstremal va favqulodda vaziyatlarda psixologik usullar yordamida xodimlarning ruhiy barqarorligini ta’minlash;

shaxsiy tarkibni tarbiyalash jarayonida mas’ul xodimlarga psixologik vosita va usullardan keng foydalanish tartibini o‘rgatish.

xizmat jamoalarida ijtimoiy, ma’naviy-ruhiy muhitni va xodimlar o‘rtasidagi munosabatlarni o‘rganish, uni yaxshilash borasida tavsiyalarni ishlab chiqish;

salbiy xulq-atvorga moyilligi yuqori xodimlarni aniqlash, xodimlar bilan psixologik suhbatlar o‘tkazish, shaxsiy va oilaviy qiyinchilik hamda muammolarni hal qilishda yordam berish;

shaxsiy tarkib o‘rtasida suitsidal holatlarni oldini olish maqsadida psixodiagnostika va psixoprofilaktika ishlarini olib borish;

ichki ishlar organlarida rahbarlik lavozimlariga tayinlanayotgan xodimlarni boshqaruvchanlik va tashkilotchilik qobiliyatlarini o‘rganish.