Sirtqi ta’lim fakulteti ichki ishlar organlari va boshqa huquqni muhofaza qiluvchi tuzilmalar uchun yetuk kasbiy tayyorgarlikka, zarur bilim va ko‘nikmalarga ega, yuqori malakali mutaxassis huquqshunos kadrlar tayyorlashni ta’minlaydigan tarkibiy tuzilma hisoblanadi.

Fakultetning maqsadi huquqbuzarliklar profilaktikasini amalga oshirish, jinoyatchilikka qarshi kurashish, jamoat tartibini saqlash va fuqarolar xavfsizligini ta’minlash faoliyatlari bo‘yicha yuqori bilim, malaka va kasbiy xislatlarga ega oliy ma’lumotli huquqshunos kadrlar tayyorlashdan iborat.

Fakultetning vazifalari:

davlat ta’lim standartlari, malaka talablari, o‘quv reja va o‘quv dasturlariga muvofiq o‘qitish sifatini ta’minlash;

ichki ishlar organlari tizimida “uzluksiz o‘quv-karyera” jarayonining tizimli ravishda amalga oshirilishini ta’minlash;

zamonaviy bilim va amaliy ko‘nikmalarni puxta egallagan, kelgusidagi kasbiy faoliyatida ularni qo‘llay oladigan mutaxassislarni tayyorlash;

tinglovchilarni ma’naviy-axloqiy tarbiyalash, ularning huquqiy madaniyati va ongini yuksaltirish buyicha samarali tizim yaratish;

o‘qitishning interfaol usullari, innovatsion pedagogik xamda axborot-kommunikatsiya texnologiyalari, mustaqil ta’lim olish va masofaviy ta’limni amaliyotga keng joriy kilish;

tinglovchilarda ichki ishlar organlari va boshqa huquqni muhofaza qiluvchi tuzilmalar xodimlari uchun zarur bo‘lgan kasbiy psixologik bilim va ko‘nikmalarni shakllantirish;

xorijiy davlatlarning yetakchi turdosh ta’lim muassasalari bilan tajriba almashinuvini yo‘lga qo‘yish;

o‘quv jarayonini samarali tashkil etish maqsadida ichki ishlar organlarining tegishli sohaviy xizmatlari, shuningdek akademiya kafedralari va boshqa tarkibiy tuzilmalari bilan hamkorlik qilish va hokazo.