Ўқув-услубий бошқарма академиянинг яхлит ўқув-илмий тузилма сифатида фаолият кўрсатишини таъминлайди ва ўз зиммасидаги вазифаларни факультетлар ҳамда кафедралар билан узвий ҳамкорликда амалга оширади.

Бошқарманинг мақсади факультетлар, кафедралар билан ҳамкорликда бакалавриатнинг кундузги таълим шаклида таълим олувчиларни мутахассислик фанлари бўйича чуқурлаштирилган ва касбга йўналтирилган ҳолда ўқитиш, уларнинг интеллектуал жиҳатдан камол топишини ва маънавий ривожланишини таъминлаш ҳамда юқори малакали мутахассис кадрларни тайёрлашга йўналтирилган ўқув ва ўқув-услубий ишларни ташкил этишдан иборат.

Бошқарманинг вазифалари:

бакалавриатнинг кундузги таълим шаклида ички ишлар органлари учун етук мутахассислар тайёрлашга йўналтирилган ўқув жараёнини ташкил этиш ҳамда режалаштириш;

факультетлар, кафедраларда бакалавриатнинг кундузги таълим шаклида олиб борилаётган ўқув ва ўқув-услубий ишларни ўзаро мувофиқлаштириш ҳамда услубий таъминлашни амалга ошириш;

ўқув жараёнига янги таълим технологиялари ва ўқитишнинг замонавий воситалари, шунингдек ички ишлар органларининг илғор иш тажрибаларини жорий этилишини ташкил этиш;

бошқа турдош ва фуқаролик олий таълим муассасалари билан ўқув ва ўқув-услубий ишлар бўйича ҳамкорликни амалга оширишнинг муҳим йўналишларини белгилаб бериш ва мувофиқлаштириш.