Qozog‘istonning Qustanoy shahrida qo‘l jangi bo‘yicha Ruslan Muqanov XV xotira turniri bo‘lib o‘tdi.

An’anaviy turnirda O‘zbekiston, Tojikiston, Qirg‘iziston, Rossiya va Qozog‘istondan 300 nafarga yaqin huquqni muhofaza qiluvchi tuzilmalar hamda turdosh ta’lim muassasalari vakillari qatnashdi.

Musobaqa davomida mahoratli murabbiy Muxtor Yetmishboyev boshchiligidagi IIV akademiyasi kursantlari ham sovrindorlar qatoridan joy oldi. Jumladan, Olimjon Qarshiboyev (62 kg) birinchi o‘rinni egallab, turnirning eng yaxshi sportchisi deb topilgan bo‘lsa, Mahmudjon Davurov (+73 kg) ikkinchi, Bekzod Maratov (+70 kg) esa uchinchi o‘rinni egalladi.

Quvonarlisi, kursantlarimiz musobaqani umumjamoa hisobida faxrli ikkinchi o‘rin bilan yakunlashdi.

IIV akademiyasi Axborot xizmati