IIV akademiyasi magistraturasida ta’lim olayotgan tinglovchilar Oliy Majlis Senatida bo‘lishdi.

Tinglovchilarning siyosiy-ijtimoiy faolligini oshirish, qonun ijodkorligi sohasida amalga oshirilayotgan islohotlar bilan yaqindan tanishtirish maqsadida tashkil qilingan tadbirda Senat va uning tarkibidagi qo‘mitalar faoliyati, qonunchilikdagi yangiliklar haqida batafsil ma’lumot berildi.

Shu kuni tinglovchilar Mudofaa va xavfsizlik masalalari qo‘mitasining navbatdagi majlisida ham qatnashdilar. Unda “O‘zbekiston Respublikasining Ma’muriy javobgarlik to‘g‘risidagi kodeksiga o‘zgartirish va qo‘shimchalar kiritish haqida”gi qonuni muhokama qilindi.

Yuqori palata faoliyati bilan tanishuv tinglovchilarning siyosiy-huquqiy dunyoqarashini yanada yuksaltirishga xizmat qildi.

IIV akademiyasi Axborot xizmati