Oçiqlik, tezkorlik va xolislik
Öz Ўзб Рус En

Yangiliklar

Rahbarlar zamon bilan hamnafas bölişi kerak

15 Aprel 2026, 21:15

1508

Avval xabar qilinganidek, IIV akademiyasida yöl harakati xavfsizligi va probatsiya xizmatlari boşliqlari uçun öquv yiğini taşkil qilingan edi.

Akademiya boşliği Rustam Xatamov öquv yiğini tinglovçilari bilan uçraşib, içki işlar organlari rahbarlari oldida turgan dolzarb talablarni yetkazdi.

Aytiş joizki, muhtaram Prezidentimiz boşçiligida amalga oşirilayotgan izçil islohotlar davrida boşqaruv kadrlarining jamiyat hayotidagi örni va roli tobora oşib bormoqda. Strategik rejalar işlab çiqiş, maqsad va vazifalarni aniq belgilaş, puxta öylangan qarorlar qabul qiliş, jamoani töğri yönaltiriş har bir rahbar faoliyatining muhim mezoniga aylanmoqda.

Ayniqsa xalq bilan doimiy muloqotda böliş, aholining dardu taşvişi bilan yaşaş, muammolarini öz vaqtida hal etiş, murojaatlariga tezkorlik bilan munosabat bildiriş jamiyatda inson manfaatlarini ta’minlaşning ustuvor tamoyillari etib belgilangan. Prezidentimiz davrning bu ötkir talablarini tuşunmagan rahbarlarni xalqimiz ham, hayotning özi ham qabul qilmasligini alohida ta’kidlagandi.

Oçiq muloqot tarzida ötgan uçraşuvda içki işlar organlari tizimidagi keng qamrovli islohotlar, kadrlar siyosatining ustuvor yönalişlari, soha uçun boşqaruv kadrlarini tayyorlaş maqsadida akademiya magistraturasida yölga qöyilgan ilğor yondaşuvlar, rahbar xodimlarni tanlaş va lavozimga tayinlaşda e’tibor qaratiladigan eng muhim jihatlar, boşqaruv kompetensiyalari xususida söz bordi.

Akademiya boşliği rahbarlik fazilatlariga töxtalib, “har bir rahbar zamon bilan hamnafas qadam taşlaşi, yetuk bilim va könikmaga ega bölişi, faoliyatini doimiy isloh qilib borişi, islohotlarning mazmun-mohiyatini anglagan holda ularni hayotga samarali tatbiq etişi, eng muhimi, uzoqni köra olişi lozim”, dedi.

Uçraşuvda sohaviy xizmat rahbarlariga tizimning faoliyat samaradorligini oşirişga qaratilgan amaliy tavsiyalar berildi.

Ta’kidlaş joizki, uç kunlik öquv yiğini davomida tinglovçilar uçun dolzarb mavzularni qamrab olgan interfaol maşğulotlar taşkil qilindi. Ilğor tajribalar özlaştirilib, muammolar va ularning yeçimlari tahlil qilindi. Maşğulotlar yakunida bilim va könikmalarni baholaş maqsadida tinglovçilardan yakuniy sinovlar qabul qilindi.

IIV akademiyasi Axborot xizmati

Çop etiş
Нажмите на кнопку ниже, чтобы прослушать текст Powered by GSpeech