Oçiqlik, tezkorlik va xolislik
Öz Ўзб Рус En

Yangiliklar

Qiynoqqa solişga qarşi kuraşiş: xalqaro amaliyot va milliy tajriba

2 Mart 2026, 20:04

1181

Inson huquqlari milliy markazi taşabbusi bilan poytaxtimizda sud, prokuratura va içki işlar organlari vakillari uçun öquv kursi taşkil qilindi.

Ikki kunlik öquv kursi davomida Özbekiston Respublikasi Oliy sudi, Huquqni muhofaza qiliş akademiyasi, Davlat va huquq instituti, IIV akademiyasi va Malaka oşiriş instituti hamda milliy markaz mutaxassislari tomonidan maşğulotlar ötkazildi.

Tinglovçilar qiynoqqa soliş, asossiz uşlab turiş va qamoqqa olişga qarşi xalqaro standartlar, Nelson Mandela qoidalari va aybsizlik prezumpsiyasining mazmun-mohiyati, huquqni qöllaş amaliyotida inson huquqlarini ta’minlaş, qiynoq hamda muomala va jazolaşning qattiq, şafqatsiz, insoniylikka zid yoki qadr-qimmatni kamsituvçi turlari uçun belgilangan javobgarlik, bu borada xalqaro amaliyot va milliy tajribaning öziga xos jihatlari yuzasidan ma’ruzalar tingladilar.

Nazariy va amaliy maşğulotlar tarzida taşkil etilgan öquv kursi yakunida test sinovidan muvaffaqiyatli ötgan 60 nafar tinglovçiga sertifikatlar topşirildi. Öquv yiğini sud-huquq tizimi faoliyatida qonun ustuvorligini mustahkamlaş, xodimlarning kasbiy madaniyatini, sohaga oid bilim va amaliy könikmalarini yuksaltirişda muhim ahamiyat kasb etdi.

IIV akademiyasi Axborot xizmati

Çop etiş
Нажмите на кнопку ниже, чтобы прослушать текст Powered by GSpeech