Oçiqlik, tezkorlik va xolislik
Öz Ўзб Рус En

Yangiliklar

Özbek tili bayrami kuni kötarinki ruhda nişonlandi

21 Oktyabr 2026, 19:20

874

Poytaxtimizdagi Adiblar xiyobonida Özbek tili bayrami kuniga bağişlangan ma’naviy-ma’rifiy tadbir bölib ötdi.

Unda davlat va jamoat arboblari, olimlar, yozuvçi va şoirlar, qator idora va taşkilotlar, ta’lim muassasalari vakillari, şu jumladan, Içki işlar vazirligi akademiyasi professor-öqituvçilari va kursantlari iştirok etdi.

Tadbir buyuk mutafakkir bobomiz Alişer Navoiy haykali poyiga gul qöyiş bilan boşlandi. Ziyolilar, tilşunos olimlar, ustoz-murabbiylar özbek tilining boy tarixi, betakror jozibasi, xalqimiz ma’naviy hayotida tutgan beqiyos örni, sönggi yillarda ona tilimizning qadr-qimmatini yuksaltiriş borasida amalga oşirilayotgan ezgu işlarni e’tirof etişdi.

Asrlar qa’ridan ötib kelayotgan ona tilimiz milliy özligimizni anglatuvçi, millatimizning borligini namoyon etuvçi, xalqimizni ma’naviy yuksaliş va taraqqiyot sari boşlovçi qudrat manbai ekanligi alohida ta’kidlandi.

Tadbir körkam xiyobonda qad rostlagan Abdulhamid Çölpon haykali qoşida davom etdi. Akademiya vakillari öz çiqişlari orqali ona tilimizga bölgan çeksiz ehtirom va muhabbatlarini namoyon etdilar. Iqtidorli kursantlar tomonidan ijro qilingan qöşiq va şe’rlar, sahna körinişlari yiğilganlarga bayramona kayfiyat bağişladi.

IIV akademiyasi Axborot xizmati

Çop etiş
Нажмите на кнопку ниже, чтобы прослушать текст Powered by GSpeech