Oçiqlik, tezkorlik va xolislik
Öz Ўзб Рус En

Yangiliklar

Osoyişta muhit olis mahallalarga ham kirib bormoqda

20 Fevral 2026, 13:08

1212

IIV akademiyasiga biriktirilgan hududlar qatorida Navoiy viloyatidagi kriminogen vaziyati murakkab mahallalar ham bor.

Prezidentimizning joriy yil 5-yanvardagi mahallalarda xavfsiz muhit yaratiş yönalişida yaxlit manzilli işlaşga qaratilgan qarori asosida uç yildan buyon “qizil” toifada qolayotgan mazkur mahallalarda ham örganişlar amalga oşirilmoqda.

Bu boradagi işlarni yangi tizim asosida samarali taşkil etiş maqsadida hududlarga ilmiy-amaliy salohiyatga ega professor-öqituvçilar jalb qilingan. Ular mahallalardagi “yettilik” tizimi xodimlari bilan hamjihatlikda jinoyatçilik omillarini örganib, kriminogen vaziyatni barqarorlaştirişga qaratilgan yondaşuvlarni amaliyotga tatbiq etişmoqda.

Şu kungaça Xatirçi tumanidagi “Navbahor”, olis Zarafşon, Uçquduq, Nurotadagi “Mingbuloq”, “Oltin vodiy”, “Sentob” mahallalarida keng qamrovli örganişlar olib borildi. Sodir qilingan jinoyatlar ilmiy yondaşuvlar asosida tahlil qilinib, kriminogen xavfi yuqori “jinoyat öçoq”lari böyiça çora-tadbirlar belgilab olindi.

Mahallalardagi 800 dan ortiq xonadon vakillari bilan manzilli suhbat natijasida 23 nafar ijtimoiy profilaktika obyektlari aniqlanib, “mahalla yettiligi”ga nomma-nom biriktirildi. Jamoat xavfsizligini tunu kun ta’minlaş maqsadida aholi gavjum hududlar, köça va xiyobonlar, ovloq joylarga qöşimça patrullik guruhlari yönaltirildi.

Aholining ogohligini oşiriş, jinoyatdan jabrlaniş ehtimolini kamaytiriş maqsadida 200 dan ortiq fuqaroning uyali aloqa vositasi ikki bosqiçli himoya tizimiga ötkazildi. Şuningdek “Mening inspektorim” mobil ilovasi örnatilib, profilaktika inspektori bilan tezkor aloqa örnatiş imkoniyati yaratildi.

Şu bilan birga, viloyat IIB rahbariyati taşabbusi bilan Zarafşon şahridagi “Oltin vodiy” mahallasida sayyor qabul taşkil etilib, fuqarolarning muammoli masalalari hal etildi.

Hozirda işçi guruh vakillari boşqa mahallalarni ham manzilli tarzda örganib, kriminogen vaziyatni barqarorlaştirişga qaratilgan “yöl xarita”lar ijrosini ta’minlab kelişmoqda. Bunda ijtimoiy profilaktikani kuçaytiriş, oila-tuşmuş doirasidagi huquqbuzarliklarning barvaqt oldini oliş, hududlarni kameralaştiriş orqali mahallalarda xavfsiz muhit yaratişga alohida e’tibor qaratilmoqda.

IIV akademiyasi Axborot xizmati

Çop etiş
Нажмите на кнопку ниже, чтобы прослушать текст Powered by GSpeech