O‘tgan hafta mobaynida poytaxtimizdagi “Universal” saroyi sport kurashlari bo‘yicha O‘zbekiston chempionatiga mezbonlik qildi.

Musobaqaning ayollar kurashi bahslari ham qiziqarli o‘tdi. Unda yurtimizning turli hudularidan kelgan sportchilar g‘oliblik uchun kuch sinashdilar.

Mamlakat chempionatining 62 kilogrammgacha bo‘lgan ishtirokchilari o‘rtasida Ichki ishlar vazirligi akademiyasi kursanti Muyassar Kushmuratova barcha raqiblarini mag‘lubiyatga uchratib, yakunda oltin medalni qo‘lga kiritdi. 

O‘zbekiston chempioni bo‘lgan umidli sportchimiz endi kelgusidagi nufuzli musobaqalarga tayyorgarlik ko‘radi.

IIV akademiyasi Axborot xizmati