Andijon viloyatida içki işlar organlari va milliy gvardiyaning örta böğin rahbarlari hamda jamoat xavfsizligini ta’minlaş tizimi xodimlari uçun mobil kasbiy malaka oşiriş kursi yölga qöyildi.
Mazkur tizim Prezidentimizning “Içki işlar organlari uçun professional kadrlarni tayyorlaş tizimini transformatsiya qiliş çora-tadbirlari töğrisida”gi qarori ijrosi doirasida xodimlarning zamonaviy tahdid va xavf-xatarlarga mos kasbiy bilim, amaliy könikma hamda boşqaruv kompetensiyalarini rivojlantiriş maqsadida taşkil etilmoqda.
Öquv dasturida “Jamoat xavfsizligiga zamonaviy tahdidlar: içki işlar va milliy gvardiya organlarining ustuvor vazifalari”, “Xizmat yuklamasini boşqariş va şaxsiy tarkibning psixologik barqarorligini saqlaş”, “Korrupsiyaviy xavf-xatarlarning oldini oliş va kasb odobiga rioya etilişini ta’minlaş”, “Inqirozli vaziyatlarda rahbarning jamoatçilik bilan muloqoti”, “Faoliyatni rejalaştiriş va boşqarişda geoaxborot tizimlari hamda raqamli tahlildan foydalaniş”, “Xalq bilan muloqotda işonç muhitini yaratiş va “xavfsiz mahalla” tamoyilini hayotga tatbiq etiş”, “Yoşlar, xotin-qizlar va voyaga yetmaganlar örtasida huquqbuzarliklarning oldini olişda mahalla faollari bilan hamkorlik” hamda boşqa dolzarb mavzular qamrab olingan.
Maşğulotlar Içki işlar vazirligi akademiyasi, Malaka oşiriş instituti, Jamoat xavfsizligi universitetining ilmiy-amaliy salohiyatga ega professor-öqituvçilari, şuningdek Içki işlar vazirligi hamda Milliy gvardiya markaziy apparati vakillari tomonidan olib borilmoqda.
Aytiş joizki, maşğulotlar davomida xodimlarning intellektual salohiyati va aqliy qobiliyat körsatkiçini (IQ) aniqlaş, nostandart va ekstremal vaziyatlarda töğri va mustaqil qaror qabul qiliş qobiliyatini baholaşga qaratilgan kompleks psixologik hamda kasbiy diagnostika tadbirlari ham taşkil etiladi. Öquv kursi yakuni böyiça sinovlar qabul qilinib, xodimlarga tegişli sertifikatlar beriladi. Öz navbatida, yuqori natija körsatgan xodimlardan rahbarlik lavozimlariga nomzod kadrlar zaxirasini şakllantiriş közda tutilgan.
IIV akademiyasi Axborot xizmati