Joriy öquv yilidan IIV akademiyasida masofaviy ta’lim şaklida kadrlarni tayyorlaş yölga qöyildi.
Sir emaski, bugungi kunda raqamli texnologiyalar barça sohalarni qamrab olmoqda. Ta’lim jarayonlari takomillaşib, masofadan turib öqitiş qulay va samarali vositaga aylanib bormoqda. Endilikda ta’limning zamonaviy yondaşuvi akademiyada ham qöllanilmoqda.
Masofaviy ta’lim fakulteti boşliği, polkovnik Oybek Kamalovning aytişiça, yangi tizimni samarali yölga qöyiş maqsadida milliy va xorijiy oliy ta’lim muassasalarining eng ilğor tajribalari örganildi. Maxsus platforma yaratilib, öquv jarayoniga joriy qilindi.
Mazkur platformadan kompyuter yoki mobil telefondan maxsus kod va parol yordamida foydalaniladi. Dasturga dars jadvallari, fanlar doirasida ötiladigan mavzularga oid ma’ruza, videoma’ruza va multimedia materiallari, elektron adabiyotlar va boşqa zarur ma’lumotlar joylaştirib boriladi.
Bundan taşqari, “zoom” orqali onlayn vaqt rejimida ma’ruzalar tinglaş, professor-öqituvçilar bilan masofadan turib interfaol muloqot qiliş mumkin. Tinglovçilarning fanlarni özlaştirişi onlayn test sinovlari, har semestr sönggida esa yakuniy nazorat imtihonlari orqali baholab boriladi.
Eng muhimi, tinglovçilar işdan ajralmagan holda mustaqil ta’lim oliş, kasbiy salohiyatini oşiriş, bilim va könikmalarini amaliyotdagi real şaroitlarda qöllaş imkoniga ega böladi. Ta’lim jarayonida inson omili kamayib, şaffof tizim yaratiladi.
Aytiş joizki, bu yil masofaviy ta’lim şakliga içki işlar organlari va boşqa hamkor tuzilmalardan 600 nafardan ziyod xodim qabul qilindi. Ular uçun qisqa muddatli öquv yiğini doirasida maşğulotlar taşkil etildi. Tinglovçilar “elms.akadmvd.uz” platformasi bilan taniştirilib, tizimga integratsiya qilindi.
Fakultet katta öqituvçi-metodisti Asqar Xolovning ta’kidlaşiça, masofali öqitişda vaqt va makon bilan boğliq muammolar yuzaga kelmaydi, ta’limga ketadigan xarajatlar sezilarli darajada tejaladi. Bu esa mavjud resurslarni zarur ehtiyojlarga yönaltiriş imkonini beradi. Şu bois, kelgusida masofaviy ta’lim imkoniyatlarini kengaytiriş, sun’iy intellektdan foydalaniş közda tutilgan.
Bir söz bilan aytganda, masofaviy ta’lim tizim uçun kadrlar tayyorlaş jarayonlarini ilğor yondaşuvlar asosida taşkil etiş bilan birga, içki işlar organlarining faoliyat samaradorligini oşirişga ham xizmat qiladi.
IIV akademiyasi Axborot xizmati