Oçiqlik, tezkorlik va xolislik
Öz Ўзб Рус En

Yangiliklar

Jinoyatçilikning oldini oliş – barqarorlik garovi

22 May 2026, 21:09

1332

IIV akademiyasi rahbariyati tomonidan poytaxtimizning Sergeli tumanida xavfsiz muhitni şakllantiriş borasida amalga oşirilayotgan işlar örganildi.

Ma’lumki, tuman mahallalariga IIV akademiyasi hamda Bojxona instituti professor-öqituvçilari jalb qilingan. Işçi guruhlar tomonidan kriminogen vaziyatga salbiy ta’sir körsatayotgan omillar ilmiy-amaliy yondaşuvlar asosida örganilib, jinoyatçilikni bartaraf etiş çoralari körilmoqda.

Örganişlar davomida şu kungaça mahallalar hududida 20 dan ortiq “jinoyat öçoqlari” aniqlandi. Jamoat xavfsizligini ta’minlaş va huquqbuzarliklarning barvaqt oldini oliş maqsadida joylarga zamonaviy kameralar, “SOS” taşviş tugmalari va boşqa vositalar örnatildi.

Jinoyat sodir etilişi mumkin bölgan çekka va aholi gavjum hududlarga qöşimça kuç-vositalar yönaltirildi. Ijtimoiy profilaktika obyektlari, alohida toifadagi va “xavf guruhi”dagi şaxslar röyxati şakllantirilib, “mahalla yettiligi”ga biriktirildi. Mahallalarda xavfsiz köça va uylar taşkil etildi.

Akademiya boşliği Rustam Xatamov “Söğdiyona” mahallasida bölib, kriminogen vaziyat taqdimoti bilan tanişdi. Mas’ullarning axborotini tinglab, huquqbuzarlik sodir etişga moyil bölgan şaxslar bilan alohida işlaş, oilalardagi ijtimoiy-maişiy muammolarni örganiş, aholi örtasida profilaktik tadbirlarni kuçaytiriş yuzasidan körsatmalar berdi.

Manzilli örganişlar “Nurhayot” mahallasida davom ettirildi. Huquq-tartibot maskanida mutasaddi rahbarlar, “mahalla yettiligi” va işçi guruhlar bilan birgalikda “poytaxt namunasi”ni keng joriy etişga qaratilgan işlar muhokama qilindi.

Muloqot çoğida qayd etilayotgan jinoyatlar, ularning asl omillari, xonadonlardagi muhit, aholining bandlik darajasi, yoşlar va xotin-qizlar bilan işlaş, hududlarni kameralaştiriş hamda kriminogen vaziyatga bevosita ta’sir körsatuvçi boşqa omillar atrofliça tahlil qilindi.

Akademiya boşliği oila-turmuş doirasida hamda yoşlar tomonidan sodir etilayotgan huquqbuzarliklarga e’tibor qaratdi. Mahallada xavfsiz muhitni şakllantirişda manfaatdor idora va taşkilotlarning hamkorlikdagi mas’uliyatini oşiriş, profilaktika tadbirlarida har bir xonadon va u yerda yaşayotgan fuqarolarni qamrab oliş, bu borada “mahalla yettiligi”ning imkoniyatlaridan samarali foydalaniş zarurligini ta’kidladi.

Şu kuni dolzarb yönalişlar böyiça qöşimça çora-tadbirlar belgilab olindi.

IIV akademiyasi Axborot xizmati

Çop etiş
Нажмите на кнопку ниже, чтобы прослушать текст Powered by GSpeech