Oçiqlik, tezkorlik va xolislik
Öz Ўзб Рус En

Yangiliklar

Jinoyatçilikni jilovlaş: amaliy işlar ijobiy natija bermoqda

6 Mart 2026, 21:34

1282

Prezidentimizning joriy yil 5-yanvardagi qarori mahallalarda xavfsiz muhit yaratiş va krimigogen vaziyatni barqarorlaştirişda dolzarb ahamiyat kasb etmoqda.

IIV akademiyasi boşliği Rustam Xatamov mazkur qaror ijrosini ta’minlaş maqsadida Urganç va Xiva şaharlaridagi “Navbahor”, “Istiqlol”, “Sangar”, şuningdek Boğot va Urganç tumanlaridagi “Oqtepa”, “Oyoqboğ” mahallalarida böldi.

Manzilli örganişlar çoğida “mahalla yettiligi” tizimi vakillari bilan muloqot qilinib, jinoyatçilikni jilovlaş va aholi uçun xavfsiz muhit yaratişga qaratilgan keng qamrovli işlar muhokama qilindi.

Aytiş joizki, şu kungaça akademiya professor-öqituvçilari tomonidan mazkur mahallalarda tizimli işlar amalga oşirildi. Çoraklik “yöl xarita”lar örganilib, aniq çora-tadbirlarni qamrab olgan taklif va tavsiyalar işlab çiqildi.

Tegişli taşkilotlar bilan birgalikda hududlarga 26 ta zamonaviy kamera, 19 ta taşviş tugmasi, 12 ta tungi çiroq örnatildi. Köp qavatli uylarning kiriş-çiqiş joylariga 20 ta domofon qöyilib, 30 ga yaqin obyektlar texnik qöriqlovga olindi. Kriminogen xavfi yuqori joylarga qöşimça profilaktika inspektorlari va patrul guruhlar yönaltirildi.

Bundan taşqari, xonadonlarni örganiş jarayonida ijtimoiy profilaktika çora-tadbirlari amalga oşirilişi lozim bölgan şaxslar aniqlanib, “mahalla yettiligi”ga biriktirildi. Mahalla guzarlari, taşkilot va muassasalarda ötkazilgan profilaktik tadbirlarda 900 nafarga yaqin aholi qamrab olindi.

Körilayotgan amaliy sa’y-harakatlar natijasida “Sangar” “Oqtepa”, “Oyoqboğ” mahallalarida joriy yil boşidan buyon jinoyat sodir etilişiga yöl qöyilmagan bölsa, “Navbahor”, “Istiqlol” mahallalarida kriminogen vaziyat bosqiçma-bosqiç barqarorlaştirilmoqda.

Akademiya boşliği mahallalardagi uçraşuvlar çoğida “jinoyat öçoq”lariga barham beriş, nizoli oilalar bilan manzilli işlaş, aholi muammolarini örganiş, bandlik masalalarini hal qiliş, şuningdek ijtimoiy profilaktika tadbirlarini samarali taşkil etiş masalalariga e’tibor qaratdi. “Mahalla yettiligi” tizimi xodimlari va mas’ullarning takliflarini tinglab, tegişli tavsiyalar berdi.

Örganişlar yakunida “yöl xarita”lar ijrosini sifatli ta’minlaş, mahallalarda “poytaxt namunasi” asosida amaliyotga joriy qilinayotgan ilğor tajribalarni ommalaştiriş, kriminogen vaziyatni kunlik tahlil qiliş orqali jinoyatlarning barvaqt oldini oliş yuzasidan qator çora-tadbirlar belgilab olinib, ijroga qaratildi.

IIV akademiyasi Axborot xizmati

Çop etiş
Нажмите на кнопку ниже, чтобы прослушать текст Powered by GSpeech