IIV akademiyasi işçi guruhi vakillari Navoiy viloyatining Xatirçi tumanida bölib, “qizil” toifadagi mahallalarda örganişlar olib bordi.
Xizmat safari davomida içki işlar vazirining joriy yil 8-sentyabrdagi farmoyişi asosida mahallalarda xavfsiz muhitni şakllantirişga qaratilgan işlarni jadallaştirişga alohida e’tibor qaratildi.
Xususan, mas’ullar bilan birgalikda “Köksaroy”, “Novja”, “Tamabahrin” va “Yangi” mahallalariga çiqilib, kriminogen vaziyatga salbiy ta’sir körsatayotgan omillar tahlil qilindi. Şundan kelib çiqib, huquqbuzarliklarning barvaqt oldini oliş, oilalardagi ijtimoiy-maişiy muhitni yaxşilaş, alohida toifadagi şaxslar bilan profilaktik tadbirlarni kuçaytiriş, aholi muammolarini hal qiliş borasida tegişli çora-tadbirlar belgilab olindi.
Gavjum joylar va “jinoyat öçoq”lari sifatida belgilangan hududlarda aholi uçun xavfsiz muhitni yaratiş, yoşlarning huquqiy madaniyatini oşiriş, jamoat tartibini saqlaşga jalb qilingan kuç-vositalar faoliyatini kuçaytiriş, kameralaştiriş va texnik qöriqlovga oliş qamrovini oşiriş böyiça tavsiyalar berildi.
Bundan taşqari, tezkor qidiruv va tergov faoliyati böyiça olib borilayotgan işlar örganilib, jinoyatlarni aniqlaş, foş etiş hamda tergov qilişda qonuniylikni ta’minlaş, zamonaviy va samarali usullarini amaliyotga keng joriy etiş, idoralararo hamkorlikni yanada kuçaytiriş borasida tegişli vazifalar belgilab olindi.
Hududlarda kriminogen vaziyatni yaxşilaşga qaratilgan çora-tadbirlar davom ettirilmoqda.
IIV akademiyasi Axborot xizmati