12–17-yanvar kunlari IIV akademiyasida Strategik tahlil va istiqbolni belgilash oliy maktabi bilan hamkorlikda o‘quv kursi tashkil qilindi.

Ma’lumki, davlat organlari tizimida axborot-tahlil ishining samarali yo‘lga qo‘yilgani islohotlar natijadorligini ta’minlaydi. Magistratura tinglovchilari uchun tashkil qilingan o‘quv kursi ham ichki ishlar organlarida axborot-tahlil faoliyatini takomillashtirish, rahbar kadrlarning salohiyatini oshirishga qaratildi.

Bir haftalik o‘quv kursi davomida oliy maktabning yetuk salohiyatli professor-o‘qituvchilari tomonidan axborot-tahlil ishini samarali tashkil etish, axborot-tahliliy hujjatlar tayyorlashning talablari, axborot-tahlil faoliyatida internet imkoniyatlaridan foydalanish, axborot va sun’iy intellekt texnologiyalari yordamida ko‘rgazmali ma’lumotlarni tahlil qilish kabi yo‘nalishlarda interfaol mashg‘ulotlar o‘tkazildi.

“Tashkiliy-strategik boshqaruv” va “tashkiliy-taktik boshqaruv” mutaxassislik yo‘nalishi tinglovchilari axborot-tahlil faoliyatini zamonaviy yondashuvlar asosida olib borish, axborotni yig‘ish, tahlil qilish va baholash, shu asosda strategik qarorlar qabul qilish bo‘yicha zarur bilim hamda ko‘nikmalarga ega bo‘ldilar.

IIV akademiyasi Axborot xizmati