Ichki ishlar organlarida “Yoshlar oyligi” munosabati bilan IIV akademiyasi professor-o‘qituvchilari va xodimlari “Zakovat”da bellashdilar.

“Yangi O‘zbekiston yoshlari, birlashaylik!” shiori ostida o‘tkazilgan intellektual o‘yinda 26 ta jamoa qatnashdi. Bellashuv davomida jamoalarga 20 ta savol yo‘llandi.

Bilimlar bahsi yakunida IIOning ma’muriy faoliyati kafedrasi jamoasi birinchi, Jinoyat-protsessual huquqi kafedrasi jamoasi ikkinchi, Kriminologiya kafedrasi jamoasi uchinchi o‘rinni egalladi.

Tadbir ma’naviy-ma’rifiy ishlar samaradorligini oshirish, ishtirokchilarning bilim darajasi va intellektual qobiliyatini oshirish, mustaqil fikrlaydigan, zukko va faol yoshlarni qo‘llab-quvvatlashda muhim ahamiyat kasb etdi.

IIV akademiyasi Axborot xizmati