Har yilning noyabr oyi yurtimizda “Keksalar uchun turizm oyligi” etib belgilangan.

Shu munosabati bilan IIV akademiyasi tashabbusi bilan bir guruh faxriylar uchun ma’rifiy tadbir uyushtirildi. Ta’lim-tarbiya fidoyilari yosh avlod vakillari hamrohligida poytaxtimizdagi O‘zbekiston Islom sivilizatsiyasi markazini tomosha qilishdi.

Muhtaram Prezidentimiz tashabbusi bilan bunyod etilgan markazni insoniyat tamaddunining nodir durdonasi, deyish mumkin. Bu yerda to‘plangan noyob osori-atiqalar buyuk ajdodlarimizning boy merosini o‘rganish va ular bilan faxrlanish hissini bag‘ishlaydi.

Sayohat markaz faoliyati, tarixiy manba va qo‘lyozmalarning ahamiyati, xalqimizning boy ilmiy-madaniy merosini o‘rganish va uni dunyo ahliga yetkazish borasida qilinayotgan ezgu ishlar haqida keng taassurot qoldirdi. Mutaxassislar tomonidan ulashilgan qimmatli ma’lumotlar yoshlarning ma’naviy olamini boyitishga xizmat qildi.

Zero, davlatimiz rahbari aytganidek, hamma o‘z tarixini ulug‘laydi, lekin bizning yurtimizdagidek boy o‘tmish, bobolarimizdek buyuk allomalar hech qaerda yo‘q.

IIV akademiyasi Axborot xizmati