IIV akademiyasi magistrlari uchun O‘zbekiston xalqaro islom akademiyasida sayyor mashg‘ulotlar tashkil qilindi.

Tadbir avvalida oliygoh rektori Muzaffar Komilov ikki tomonlama hamkorlik memorandumi ilg‘or tajribalarni almashish barobarida, yuqori salohiyatli kadrlar tayyorlashga xizmat qilayotganini ta’kidladi. 

Shu kuni “Mutaassib guruhlar ta’siriga tushgan shaxslarni reabilitatsiya qilish va ularning dunyoqarashini ijobiy tomonga o‘zgartirish usullari” hamda “Sof islomiy tushunchalarning g‘arazli maqsadlarda noto‘g‘ri talqin qilinishi” mavzularida mashg‘ulotlar o‘tkazildi.

Tinglovchilar muqaddas qadamjolarda bo‘lib, islom olamidagi nodir qo‘lyozma va osori-atiqlar bilan tanishdilar.

IIV akademiyasi Axborot xizmati