ИИВ академияси магистрлари учун Ўзбекистон халқаро ислом академиясида сайёр машғулотлар ташкил қилинди.

Тадбир аввалида олийгоҳ ректори Музаффар Комилов икки томонлама ҳамкорлик меморандуми илғор тажрибаларни алмашиш баробарида, юқори салоҳиятли кадрлар тайёрлашга хизмат қилаётганини таъкидлади. 

Шу куни “Мутаассиб гуруҳлар таъсирига тушган шахсларни реабилитatsiя қилиш ва уларнинг дунёқарашини ижобий томонга ўзгартириш усуллари” ҳамда “Соф исломий тушунчаларнинг ғаразли мақсадларда нотўғри талқин қилиниши” мавзуларида машғулотлар ўтказилди.

Тингловчилар муқаддас қадамжоларда бўлиб, ислом оламидаги нодир қўлёзма ва осори-атиқлар билан танишдилар.

ИИВ академияси Ахборот хизмати