Prezidentimiz qarori bilan mahallalarda xavfsiz muhit yaratiş böyiça amalga oşirilayotgan çora-tadbirlar jinoyatçilikning barvaqt oldini olişda muhim omil bölmoqda.
Bu boradagi işlar Buxoro viloyatining Qorovulbozor, Olot, Qoraköl, Jondor, Şofirkon, Ğijduvon, Romitan va boşqa tumanlaridagi “qizil” mahallalarda ham izçil davom ettirilmoqda.
Mazkur mahallalarga biriktirilgan IIV akademiyasi professor-öqituvçilari joylardagi mas’ullar va “mahalla yettiligi” vakillari bilan birgalikda muammolarni manzilli örganib, xavfsiz muhit yaratiş çoralarini körişmoqda.
Örganişlar davomida mahallalarda 71 ta “jinoyat öçoği” qayd etildi. Aholi bilan muloqot natijasida 20 ga yaqin ijtimoiy-maişiy muammolar aniqlandi. Ijtimoiy profilaktika doirasida 31 nafar şaxs “mahalla yettiligi”ga yönaltirildi.
Bundan taşqari, hududlarga 110 ta zamonaviy kamera, 59 ta taşviş tugmasi örnatildi. Jinoyat sodir etilişi mumkin bölgan ovloq joylar, köçalar va istirohat boğlarida alohida patrullik yönalişlari taşkil etildi. Mahallalarda tarğibotçi guruhlar tuzilib, ular tomonidan muntazam tadbirlar ötkazilişi yölga qöyildi.
Ilmiy-amaliy örganişlar davomida har bir mahallaning öziga xos xususiyatidan kelib çiqqan holda takliflar işlab çiqilib, “yöl xarita”larga kiritildi.
Hozirda hududlar böyiça yaratilgan tajribalar, kriminogen omillarga barham beruvçi samarali mexanizmlarni amaliyotga tatbiq qiliş borasida keng qamrovli işlar olib borilmoqda. Şulardan biri Buxoro davlat universiteti misolida yaratilgan “Xavfsiz ta’lim” tajribasi bölib, mazkur yondaşuv ijtimoiy profilaktikani kuçaytiriş, talabalar örtasida ma’muriy huquqbuzarlik omillarini aniqlaş va ularni raqamli monitoring qiliş imkonini bermoqda.
Bir söz bilan aytganda, davlatimiz rahbarining qarori mahallalarga osoyiştalik va farovonlik olib kirayotgani bilan birga, aholi bilan yuzma-yuz muloqot qiliş, yurtdoşlarimizning muammolarini hal qiliş, ularni rozi qilişda dasturulamal bölayotir.
IIV akademiyasi Axborot xizmati