Oçiqlik, tezkorlik va xolislik
Öz Ўзб Рус En

Yangiliklar

Yangi Özbekiston yoşlari – ertangi kunimizning hal qiluvçi kuçi

2 Sentyabr 2026, 18:28

1022

Içki işlar vazirligi akademiyasi saf maydonida yangi öquv yili munosabati bilan tadbir bölib ötdi.

“Yagona Vatan, yagona xalq bölib, yangi hayot va kelajak yaratamiz!” şiori ostida ötkazilgan tadbirda akademiya boşliği Rustam Xatamov nutq sözlab, yiğilganlarni Mustaqilligimizning şonli öttiz beş yilligi hamda öquv dargohi taşkil topgan sana bilan samimiy muborakbod etdi.

Tantanali tadbirda istiqlol yillari jamiyatimiz hayotida röy bergan tarixiy özgarişlar, turli jabhalarda erişilgan ulkan yutuqlar, ayniqsa muhtaram Prezidentimiz Şavkat Mirziyoyev rahbarligida Yangi Özbekistonni barpo etiş yölida amalga oşirilayotgan keng qamrovli islohotlar e’tirof etildi.

Akademiya boşliği keyingi ön yilda mamlakatimiz öz taraqqiyotining mutlaqo yangi davriga qadam qöygani, inson qadrini uluğlaş, jamiyatda qonun ustuvorligini ta’minlaş, xalqimizning turmuş farovonligini yuksaltiriş davlat siyosatining eng ustuvor yönalişiga aylanganini e’tirof etdi.

Şu bilan birga, içki işlar organlari tizimi tubdan isloh qilingani, soha uçun kadrlar tayyorlaş va ta’lim jarayonlariga ilğor zamonaviy yondaşuvlar keng tatbiq etilgani, buning samarasida tizim çinakam xalqçil tuzilma sifatida yangiça qiyofa kasb etib borayotganini alohida ta’kidladi. Özgarişlarning amaliy natijasi bilimli, kasbiy könikmalarni puxta egallagan, mustaqil fikr va zamonaviy dunyoqaraşga ega, vatanparvar, fidoyi kadrlarga boğliq ekanini qayd etib, kelgusidagi ustuvor vazifalarga e’tibor qaratdi.

“Bugungi taraqqiyot şiddati har birimizni yangi marralar sari undamoqda. Prezidentimiz yagona maqsad yölida birlaşib, astoydil harakat qilsak, zabt etib bölmaydigan marraning özi yöq, deya barçamizni ruhlantirdilar. Şu bois, ona Vatanimizga bölgan sadoqatimizni amalda namoyon etib, mamlakatimizning ertangi kuni uçun munosib kadrlarni tarbiyalaşimiz zarur”, dedi akademiya boşliği.

Şu kuni tengdoşlariga örnak bölayotgan bir guruh kursantlar “Akademiya a’loçisi” kökrak nişonlari hamda ota-onalari nomiga bitilgan minnatdorlik maktublari bilan taqdirlandi. Tantanali marşdan söng, yangi öquv yilining ilk maşğuloti “Mustaqillik darsi” bilan boşlandi.

IIV akademiyasi Axborot xizmati

Çop etiş
Нажмите на кнопку ниже, чтобы прослушать текст Powered by GSpeech