Oçiqlik, tezkorlik va xolislik
Öz Ўзб Рус En

Yangiliklar

Millatning ma’naviy boyligi

15 Oktyabr 2026, 18:46

780

Adiblar xiyobonida Özbek tili bayrami kuni munosabati bilan ma’naviy-ma’rifiy tadbir ötkazildi.

Yozuvçilar uyuşmasi bilan hamkorlikda taşkil etilgan tadbirda ijod ahli vakillari, tilşunos mutaxassislar, Içki işlar vazirligi akademiyasi professor-öqituvçilari va kursantlari iştirok etdi.

Tadbirda ona tilimizning boy tarixi, asrlar davomida xalqimiz ma’naviy hayotida tutgan örni, özbek tiliga davlat tili maqomi berilganining tarixiy ahamiyati, keyingi yillarda özbek tilining obröyi va nufuzini yanada yuksaltiriş borasida amalga oşirilayotgan keng kölamli işlar haqida söz bordi.

Taniqli adiba Ma’mura Zohidova ona tilimizning keng imkoniyatlari xususida mulohaza yuritib, buyuk ajdodlarimizdan meros bölib kelayotgan tilimizning sofligi va jozibadorligini asraş, yoşlarni milliy qadriyatlarga hurmat ruhida kamol toptiriş, ular örtasida kitobxonlikni keng tarğib qiliş bugunning dolzarb vazifasi ekanini ta’kidladi.

Tadbir badiiy havaskorlik tögaraklari tomonidan tayyorlangan dasturlar bilan davom etdi. Kursantlar ona tilimizga bölgan çeksiz mehr-muhabbatlarini şe’riy çiqişlar orqali ifoda etib, ma’rifatparvar bobomiz Abdulhamid Çölponning hayotiga bağişlangan sahna körinişini namoyiş qildilar.

Ona Vatanimizni uluğlovçi qöşiqlar tadbirga kötarinki ruh bağişladi.

IIV akademiyasi Axborot xizmati

Çop etiş
Нажмите на кнопку ниже, чтобы прослушать текст Powered by GSpeech