Oçiqlik, tezkorlik va xolislik
Öz Ўзб Рус En

Yangiliklar

Mahalladagi muhitni barqarorlaştiriş böyiça vazifalar belgilab olindi

16 Mart 2026, 22:04

1206

IIV akademiyasi boşliği Rustam Xatamov Mirzo Uluğbek tumanidagi “Beşkapa” mahallasining kriminogen vaziyatini örgandi.

Dastlab mas’ullar, “mahalla yettiligi” vakillari va faollar iştirokida çoraklik “yöl xarita”da belgilangan çora-tadbirlar ijrosi muhokama qilindi.

Ta’kidlaş joizki, davlatimiz rahbarining mahallalarda xavfsiz muhit yaratişga qaratilgan tegişli qarorlari bilan mahallaga tajribali professor-öqituvçilar biriktirilgan.

Işçi guruh tomonidan keyingi uç davomida sodir qilingan 28 ta jinoyatning asl omillari ilmiy yondaşuvlar asosida örganildi. Kriminogen vaziyatga salbiy ta’sir körsatayotgan “jinoyat öçoqlari” aniqlanib, ularni bartaraf etişga qaratilgan taklif va tavsiyalar işlab çiqildi.

Şunga köra, hududlarga 13 ta zamonaviy kamera, 11 ta taşviş tugmasi örnatilib, xavfsizlik çoralari kuçaytirildi. 350 dan ziyod turar joy, taşkilot va muassasalar texnik qöriqlovga olindi. Ijtimoiy profilaktika doirasida 89 nafar şaxs aniqlanib, “mahalla yetttiligi”ga biriktirildi.

Kriminogen xavfi yuqori joylarda jamoat xavfsizligini ta’minlaş va huquqbuzarliklarning barvaqt oldini oliş maqsadida patrullik guruhlari taşkil qilinib, aholi örtasida profilaktik tadbirlar ötkazildi.

Muhokama jarayonida mahalladagi muammolar, oila-turmuş doirasidagi jinoyatlar, ijtimoiy profilaktika obyektlari bilan olib borilayotgan manzilli çora-tadbirlar yuzasidan fikr almaşildi. Akademiya boşliği aholi, ayniqsa yoşlar örtasida huquqiy tarğibot tadbirlarini muntazam ötkazib boriş, hududlarni kameralaştiriş, profilaktika inspektori va fuqarolar örtasida hamkorlikni kuçaytiriş, murojaatlarga tizimli yondaşiş zarurligini qayd etdi.

Bundan taşqari, mahalladagi kriminogen omillardan kelib çiqib keyingi muddat uçun möljallangan manzilli çora-tadbirlarni işlab çiqiş, jinoyatçilikni jilovlaş böyiça hudud tajribasini yaratiş, mahallani “qizil” toifadan çiqariş borasida aniq vazifalar belgilab olindi.

IIV akademiyasi Axborot xizmati

Çop etiş
Нажмите на кнопку ниже, чтобы прослушать текст Powered by GSpeech