Oçiqlik, tezkorlik va xolislik
Öz Ўзб Рус En

Yangiliklar

Fan, ta’lim va amaliyot integratsiyasiga bağişlandi

30 Sentyabr 2026, 21:33

831

Içki işlar vazirligi akademiyasida “Fan, ta’lim va huquqni muhofaza qiliş amaliyoti örtasida innovatsion hamkorlik” mavzuida xalqaro konferensiya bölib ötdi.

Gibrid formatda ötkazilgan anjumanda huquqni muhofaza qiluvçi organlar uçun kadrlar tayyorlaş tizimini takomillaştiriş, fan, ta’lim va amaliyot integratsiyasini kuçaytiriş, ilğor xalqaro tajribalar asosida innovatsion ta’lim imkoniyatlarini kengaytiriş masalalariga e’tibor qaratildi.

Tadbir avvalida akademiya boşliğining ilmiy işlar va innovatsiyalar böyiça örinbosari Nasiba Turğunova söz olib, ilmiy-amaliy anjumanning dolzarb ahamiyatini ta’kidlab ötdi. Mazkur yönalişda davlatimiz rahbarining içki işlar organlari uçun professional kadrlarni tayyorlaş tizimini transformatsiya qilişga qaratilgan qarorida belgilab berilgan ustuvor masalalar, amaliyotga joriy qilinayotgan yangiça mexanizmlardan kutilayotgan natijalarga alohida töxtaldi.

Anjumanda Prezident huzuridagi Qonunçilik va huquqiy siyosat instituti, Jamoat xavfsizligi universiteti, Kriminologiya ilmiy tadqiqot instituti, Bojxona instituti, Yuridik kadrlarni qayta tayyorlaş va malakasini oşiriş instituti, şuningdek Rossiya Federatsiyasi Içki işlar vazirligining Sankt-Peterburg universiteti, Tojikiston va Qirğiziston Içki işlar vazirligi akademiyalari hamda boşqa taşkilotlar vakillari sözga çiqdi.

“Jinoyatçilikning özgarişi şaroitida içki işlar organlarini kadrlar bilan ta’minlaş: zamonaviy muammolar va tendensiyalar”, “Jamoat xavfsizligini ta’minlaş sohasida kadrlar tayyorlaşda fan, ta’lim va huquqni muhofaza qiliş amaliyoti örtasidagi innovatsion hamkorlik”, “Içki işlar organlari uçun kadrlar tayyorlaşning innovatsion modeli: ta’lim, ilm-fan va amaliyot integratsiyasi”, “Sun’iy intellekt texnologiyalaridan foydalanib sodir etiladigan huquqbuzarliklar uçun ma’muriy va jinoiy javobgarlikni takomillaştiriş: milliy va xorijiy tajriba” kabi mavzularda ma’ruzalar tinglandi.

Soha mutaxassislarining fikr-mulohazalari asosida dolzarb masalalarning yeçimlari, anjumanning maqsad va vazifalariga qaratilgan ilmiy asoslantirilgan taklif-tavsiyalar işlab çiqildi.

IIV akademiyasi Axborot xizmati

Çop etiş
Нажмите на кнопку ниже, чтобы прослушать текст Powered by GSpeech