Oçiqlik, tezkorlik va xolislik
Öz Ўзб Рус En

Yangiliklar

Dolzarb masala muhokama qilindi

29 Aprel 2026, 18:11

1132

IIV akademiyasida ma’muriy huquqbuzarliklar uçun javobgarlikni ta’minlaşning bugungi holati va istiqbollariga bağişlangan ilmiy-amaliy konferensiya bölib ötdi.

Hamkor idora va taşkilotlar, oliy ta’lim muassasalari bilan birgalikda ötkazilgan anjumanda sohada amalga oşirilayotgan keng qamrovli islohotlar, ularning natijalari, huquqni qöllaş amaliyotini takomillaştiriş masalalari yuzasidan fikr almaşildi. Sözga çiqqanlar ma’muriy javobgarlikni qöllaş jarayonida yuzaga kelayotgan muammolarga e’tibor qaratgan holda ilmiy-amaliy konferensiyaning dolzarb ahamiyati va undan közlangan eng muhim jihatlarni aytib ötişdi.

Şu kuni “Oilaviy-maişiy zöravonlik uçun ma’muriy javobgarlikni takomillaştiriş”, “Milliy gvardiya organlari tomonidan ma’muriy javobgarlikni qöllaşda yuzaga kelayotgan muammolar”, “Migratsiya sohasidagi ma’muriy huquqbuzarliklarning öziga xos xususiyatlari”, “Ma’muriy jazo çoralari, ularni qöllaşning umumiy qoidalari, ma’muriy javobgarlikni ta’minlaşda yaraşuv institutini qöllaş amaliyoti”, “Mayda bezorilikni kvalifikatsiya qilişning muhim jihatlari, bunda inson huquqlarini ta’minlaş masalalari”, “Ma’muriy javobgarlik çoralarini qöllaşda içki işlar organi xodimlarining huquqiy maqomi” hamda boşqa mavzularda ma’ruzalar tinglandi.

Amaliyot organlari vakillarining çiqişlari, olimlarning ilmiy asoslangan fikr-mulohazalari asosida sohadagi muammolarning yeçimlariga qaratilgan taklif va tavsiyalar işlab çiqildi.

IIV akademiyasi Axborot xizmati

Çop etiş
Нажмите на кнопку ниже, чтобы прослушать текст Powered by GSpeech