Oçiqlik, tezkorlik va xolislik
Öz Ўзб Рус En

Yangiliklar

Çempionlik sirlari: paralimpiya sovrindorlari bilan uçraşuv

28 Fevral 2026, 14:23

1184

Yoşlar kuni munosabati bilan IIV akademiyada paralimpiya öyinlari sovrindorlari bilan uçraşuv taşkil qilindi.

Tadbirda xalqaro maydonlarda yurtimiz şa’nini munosib himoya qilib kelayotgan sportçilar, ularning murabbiylari, akademiya professor-öqituvçilari va kursantlari iştirok etdi.

Muhtaram Prezidentimizning yuksak e’tibor va ğamxörligi bilan mamlakatimizda paralimpiya harakatini rivojlantiriş davlat siyosati darajasiga kötarilgani, sportçilarimiz Osiyo va jahon miyosidagi musobaqalarda olamşumul natijalarga erişib kelayotgani e’tirof etildi.

Sportçilar faoliyatlari davomida qölga kiritgan yutuqlariga töxtalar ekan, har bir muvaffaqiyat zamirida betinim mehnat, intiliş, matonat, işonç va qat’iyat borligini, eng muhimi, davlatimizning doimiy e’tibori yangi marralar sari ulkan motivatsiya berayotganini ta’kidlab ötişdi.

Kursantlar paralimpiya öyinlari turlari, çempionlik sirlari, sportçilarning kelajak orzu-maqsadlari bilan qiziqib, öz savollariga javob olişdi. Tadbir badiiy havaskorlik jamoalarining konsert dasturi bilan davom etdi.

IIV akademiyasi Axborot xizmati

Çop etiş
Нажмите на кнопку ниже, чтобы прослушать текст Powered by GSpeech