Akademiya kursantlari “Zakovat”da bellashdi

IIV O‘quv-dala markazida boshlang‘ich harbiy tayyorgarlik bosqichini o‘tayotgan akademiyaning 1-kurs kursantlari o‘rtasida “Zakovat” intellektual o‘yini bo‘lib o‘tdi.

Tadbirda 40 ta jamoadan iborat yoshlar o‘z bilim va dunyoqarashini namoyon etish bilan birga, jamoaviy hamkorlik va tezkor qaror qabul qilish mahoratini ham sinovdan o‘tkazishdi.

Qizg‘in va do‘stona ruhda kechgan intellektual o‘yin ikki bosqichda tashkil etildi. Har bir bosqichda 12 tadan, jami 24 ta savol o‘rtaga tashlandi. Yakuniy natijalarga ko‘ra, “Bilimdon” jamoasi mutlaq g‘olib deb topildi. Ikkinchi o‘rin esa qizlar otryadidan “Everest” jamoasiga nasib etdi.

Tashkilotchilar ta’kidlaganidek, bunday tadbirlar kursantlarda faqat nazariy bilimlarni emas, balki mustaqil fikrlash, hamjihatlik va mas’uliyat tuyg‘usini ham mustahkamlaydi. “Zakovat” o‘yini esa ularning ma’naviy-ma’rifiy tarbiyasida muhim ahamiyat kasb etadi.

IIV akademiyasi Axborot xizmati