Очиқлик, тезкорлик ва холислик
Рус Ўзб O'z En

Янгиликлар

Академия курсантлари “Заковат”да беллашди

30 Август 2025, 04:08

140

ИИВ Ўқув-дала марказида бошланғич ҳарбий тайёргарлик босқичини ўтаётган академиянинг 1-курс курсантлари ўртасида “Заковат” интеллектуал ўйини бўлиб ўтди.

Тадбирда 40 та жамоадан иборат ёшлар ўз билим ва дунёқарашини намоён этиш билан бирга, жамоавий ҳамкорлик ва тезкор қарор қабул қилиш маҳоратини ҳам синовдан ўтказишди.

Қизғин ва дўстона руҳда кечган интеллектуал ўйин икки босқичда ташкил этилди. Ҳар бир босқичда 12 тадан, жами 24 та савол ўртага ташланди. Якуний натижаларга кўра, “Билимдон” жамоаси мутлақ ғолиб деб топилди. Иккинчи ўрин эса қизлар отрядидан “Эверест” жамоасига насиб этди. 

Ташкилотчилар таъкидлаганидек, бундай тадбирлар курсантларда фақат назарий билимларни эмас, балки мустақил фикрлаш, ҳамжиҳатлик ва масъулият туйғусини ҳам мустаҳкамлайди. “Заковат” ўйини эса уларнинг маънавий-маърифий тарбиясида муҳим аҳамият касб этади.

ИИВ академияси Ахборот хизмати

Чоп этиш
Нажмите на кнопку ниже, чтобы прослушать текст Powered by GSpeech