IIV akademiyasida “Zo‘ravonlikka qarshi 16 kun” tadbirlari doirasida davra suhbati o‘tkazildi.

Kursant qizlarning ma’naviy-huquqiy dunyoqarashi va ijtimoiy-siyosiy faolligini oshirish maqsadida tashkil qilingan tadbirga tajribali psixolog hamda ichki ishlar organlarining ayol xodimlari taklif qilindi.

Tadbir avvalida xotin-qizlarning huquq va manfaatlarini ta’minlash, davlat va jamiyat hayotidagi mavqeini yanada mustahkamlash borasidagi islohotlar e’tirof etildi. Shu bilan birga, oilaviy qadriyatlarni asrash, mahallalarda ijtimoiy-ma’naviy muhitni yaxshilash, oila institutini mustahkamlash, xotin-qizlarni turli tazyiq va zo‘ravonlikdan himoya qilish muhim vazifa ekanligi aytib o‘tildi.

Soha mutaxassislari ayni sohada amalga oshirilayotgan ishlarga to‘xtalib, oilaviy-maishiy muammolar, gender zo‘ravonlik va ayollar jinoyatchiligining oldini olish, tazyiq va zo‘ravonlikdan jabr ko‘rgan xotin-qizlar bilan manzilli ishlash, ularga har tomonlama ko‘mak berish masalalarida mulohaza yuritishdi. Qiziqarli o‘tgan tadbirda kursant qizlar kasbiy maslahat va psixologik tavsiyalar olishdi.

IIV akademiyasi Axborot xizmati