ИИВ академиясида “Зўравонликка қарши 16 кун” тадбирлари доирасида давра суҳбати ўтказилди.

Курсант қизларнинг маънавий-ҳуқуқий дунёқараши ва ижтимоий-сиёсий фаоллигини ошириш мақсадида ташкил қилинган тадбирга тажрибали психолог ҳамда ички ишлар органларининг аёл ходимлари таклиф қилинди.

Тадбир аввалида хотин-қизларнинг ҳуқуқ ва манфаатларини таъминлаш, давлат ва жамият ҳаётидаги мавқеини янада мустаҳкамлаш борасидаги ислоҳотлар эътироф этилди. Шу билан бирга, оилавий қадриятларни асраш, маҳаллаларда ижтимоий-маънавий муҳитни яхшилаш, оила институтини мустаҳкамлаш, хотин-қизларни турли тазйиқ ва зўравонликдан ҳимоя қилиш муҳим вазифа эканлиги айтиб ўтилди.

Соҳа мутахассислари айни соҳада амалга оширилаётган ишларга тўхталиб, оилавий-маиший муаммолар, гендер зўравонлик ва аёллар жиноятчилигининг олдини олиш, тазйиқ ва зўравонликдан жабр кўрган хотин-қизлар билан манзилли ишлаш, уларга ҳар томонлама кўмак бериш масалаларида мулоҳаза юритишди. Қизиқарли ўтган тадбирда курсант қизлар касбий маслаҳат ва психологик тавсиялар олишди.

ИИВ академияси Ахборот хизмати