Poytaxtimizdagi Adiblar xiyobonida “Milliy qadriyatlar sayli” adabiy-ma’rifiy haftaligi o‘tkazildi.

Oliy ta’lim muassasalari yoshlari tomonidan milliy urf-odat va qadriyatlar ko‘rgazmalari, madaniy-ma’rifiy dasturlar namoyish etildi.

Adabiy-ma’rifiy haftalikda Ichki ishlar vazirligi akademiyasida ta’lim olayotgan kursantlar ham faol ishtirok etishdi. Iqtidorli yoshlarimiz o‘z chiqishlari orqali xalqimizga xos betakror qadriyatlar, mumtoz kuy-qo‘shiqlar, milliy kiyimlarimizni tarannum etdilar.

Ayniqsa ma’rifatparvar adib Abdulhamid Cho‘lpon hayoti va ijodiga oid sahna ko‘rinishlari, ona Vatanimizga bag‘ishlangan she’rlar, ko‘rgazmali sport chiqishlari yig‘ilganlarda katta taassurot qoldirdi.

IIV akademiyasi Axborot xizmati