30-iyun kuni IIV Akademiyasida jinoyatchilikka qarshi kurashishning dolzarb muammolariga bag‘ishlangan ilmiy-amaliy anjuman bo‘lib o‘tdi.

Qonun ijodkorlari, huquqni qo‘llovchi hamda muhofaza qiluvchi organlar vakillari, qator yetakchi oliy ta’lim muassasalaridan olim va tadqiqotchilar ishtirok etgan tadbirda atroflicha fikr almashildi.

So‘zga chiqqanlar “Jinoyatchilikka qarshi kurashishda ijtimoiy profilaktikaning ahamiyati”, “Jazoni ijro etish tizimida mahkumlarning huquqlari, erkinliklari va qonuniy manfaatlari himoyasini ta’minlash”, “Tergov organlari faoliyat samaradorligini oshirishda axborot texnologiyalarining o‘rni” va boshqa dolzarb mavzularga to‘xtalib o‘tishdi.

Konstitutsiyaviy islohotlarning ustuvor jihatlari, jinoyatchilikka qarshi kurashish sohasidagi muammolarning ilmiy-amaliy yechimlari yuzasidan bildirilgan fikr-mulohazalar anjuman dolzarbligini oshirdi.

IIV Akademiyasi Axborot xizmati