IIV Akademiyasining Psixologik ta’minlash markazida psixologik trening o‘tkazildi. 

Shaxsiy tarkib o‘rtasida sog‘lom muhitni mustahkamlash, xodimlarning ruhiy barqarorligini ta’minlash, xizmat faoliyati samaradorligini oshirish maqsadida tashkil qilingan tadbirga saf qismi ofitserlari jalb qilindi.  

Trening davomida psixologik ko‘nikmalar, jumladan, stressga qarshi bardoshlilikni oshirish, ruhiy zo‘riqishlarning oldini olish, nostandart holatlarda vaziyatni to‘g‘ri baholash va oqilona qaror qabul qilish, verbal va noverbal muloqot o‘rnatish kabilarga alohida e’tibor qaratildi. Mashg‘ulot yakunlari bo‘yicha olingan xulosalarga qarab xodimlarga zarur tavsiyalar berildi.

IIV Akademiyasi Axborot xizmati