Poytaxtimizning Mirzo Ulug‘bek tumanidagi 208-sonli o‘rta umumta’lim maktabida harbiy-sport musobaqasi uyushtirildi.

IIV Akademiyasining Jangovar va jismoniy tayyorgarlik kafedrasi tomonidan “Ma’rifat ulashib” loyihasi doirasida o‘tkazilgan musobaqada o‘quvchilar pnevmatik quroldan nishonga otish, granata uloqtirish va arqon tortish bo‘yicha tarzda bellashdilar.

Mohirlik va jamoaviy epchillik talab etiladigan bahslar yakunida har bir yo‘nalish bo‘yicha g‘oliblar aniqlandi. Sovrindorlar “Alisher Navoiy” va “Katta Qorasuv” MFYlari faollari ishtirokida diplom, medal va sovg‘alar bilan taqdirlandi.

IIV akademiyasi Axborot xizmati