Kecha poytaxtimizdagi “Yangi O‘zbekiston” bog‘ida “Men g‘olib” yugurish musobaqasi bo‘lib o‘tdi.

Qurolli Kuchlarimiz tashkil etilganining 33 yilligi hamda Vatan himoyachilari kuni munosabati bilan tashkil qilingan tadbirda yurtdoshlarimiz faol ishtirok etdi. Musobaqa 3 va 10 kilometrlik masofalarda o‘tkazildi. Sovrindorlar erkak va ayollar o‘rtasida yakkalik va jamoaviy tarzda aniqlandi.

Bahslarda Ichki ishlar vazirligi akademiyasi kursantlari ham munosib qatnashishdi. Jamoamiz a’zolaridan I. Bekmirzayeva, S. Karabayeva va M. Narzullayeva 10 kilometr masofani birin-ketin bosib o‘tib, shohsupadan joy oldi. Bundan tashqari, atlet qizlarimiz jamoaviy bahslarda ham o‘zlarini ko‘rsatib, faxrli birinchi o‘rinni egalladilar.

Vatanparvarlik, shijoat va sog‘lom hayot tarzini targ‘ib qilgan musobaqa so‘nggida sovrindorlar munosib taqdirlandi.

IIV akademiyasi Axborot xizmati