Кеча пойтахтимиздаги “Янги Ўзбекистон” боғида “Мен ғолиб” югуриш мусобақаси бўлиб ўтди.
Қуролли Кучларимиз ташкил этилганининг 33 йиллиги ҳамда Ватан ҳимоячилари куни муносабати билан ташкил қилинган тадбирда юртдошларимиз фаол иштирок этди. Мусобақа 3 ва 10 километрлик масофаларда ўтказилди. Совриндорлар эркак ва аёллар ўртасида яккалик ва жамоавий тарзда аниқланди.
Баҳсларда Ички ишлар вазирлиги академияси курсантлари ҳам муносиб қатнашишди. Жамоамиз аъзоларидан И. Бекмирзаева, С. Карабаева ва М. Нарзуллаева 10 километр масофани бирин-кетин босиб ўтиб, шоҳсупадан жой олди. Бундан ташқари, атлет қизларимиз жамоавий баҳсларда ҳам ўзларини кўрсатиб, фахрли биринчи ўринни эгалладилар.
Ватанпарварлик, шижоат ва соғлом ҳаёт тарзини тарғиб қилган мусобақа сўнггида совриндорлар муносиб тақдирланди.
ИИВ академияси Ахборот хизмати
