Qurolli Kuchlar akademiyasida “Jadidlar – millat fidoyilari” ko‘rik-tanlovining respublika bosqichi bo‘lib o‘tdi.

Turdosh oliy ta’lim muassasalari o‘rtasida o‘tkazilgan ko‘rik-tanlovda oltita jamoa ishtirok etdi. Bellashuv 4 shartdan iborat bo‘ldi. Kursant yoshlar jadidchilik harakati namoyandalarining hayoti, serqirra ijod faoliyati, ma’rifatparvar bobolarimiz asarlarining g‘oyaviy mazmuni va bugungi zamon uchun ahamiyatini o‘z chiqishlari orqali yoritib berdilar.

Savol-javoblar, qiziqarli sanha ko‘rinishlari va munozaralarga boy o‘tgan ko‘rik-tanlovda Qurolli Kuchlar akademiyasining “Ma’rifat” jamoasi birinchi, Davlat xavfsizlik xizmati akademiyasining “Iftixor” jamosi ikkinchi, Ichki ishlar vazirligi akademiyasining “Uyg‘onish” jamoasi uchinchi o‘rinni egalladi.

IIV akademiyasi Axborot xizmati